Frelsi til að velja

18.09.2019 | Andi, Fæðubótarefni

Leit mín að betri líðan og bættri heilsu hefur leitt mig inn á ótrúlegustu slóðir í gegnum tíðina og stundum alla leið út fyrir landsteinana þar sem aðgengi að ýmsum náttúrulegum efnum á Íslandi er frekar takmarkað. Þannig hef ég reynt allar mögulegar leiðir og náttúruleg efni til að efla heilsufarið og hika aldrei við að prufa óhefbundnar aðferðir með alveg einstökum árangri á undanförnum árum. Bænin og andlegt líferni hefur einnig fylgt mér frá blautu barnsbeini og er einfaldlega grunnurinn að daglegri vellíðan minni.

Ég er einnig meðvituð um að fæðan sem ég neyti hefur mikil á líðan mína. Ofneysla sykurs, áfengis, aukaefna og skyndibita eru helsta orsök flestra sjúkdóma sem hrjá nútímamanninn og að sama skapi getur fæða úr jurta- og plönturíkinu haft gríðarlega jákvæð áhrif á líkamlegt og andlegt ástand okkar. Það getur hins vegar verið mjög erfitt að lifa algjörlega á hreinu fæði því freistingarnar eru á hverju strái og ekkert okkar er fullkomið á því sviði frekar en öðrum enda hvað er það, að vera “fullkominn”? Það er auðvitað algjörlega einstaklingsbundið hvaða næring eflir lífsþróttinn og hvað dregur hann niður. Sjálf er ég með lífshættulegt bráðaofnæmi fyrir hnetum og algjört óþol fyrir áfengi á meðan hnetur og stöku rauðvínsglas er alveg skaðlaust og jafnvel heilsueflandi fyrir fjölda fólks.

Góð líkamleg og andleg heilsa byrjar hjá okkur sjálfum en með því að taka ábyrgð á eigin heilsufari, hlusta á líkama okkar og horfa inn á við, náum við hvað mestum árangri í að hámarka okkar eigið heilsufar. Við erum sjálf næmust á líðan okkar þó við þurfum stundum að leita aðstoðar sérfræðinga til að takast á við veikindi af ýmsum toga. Til að fá almennilega lausn á vandamálunum þurfum við jú fyrst að vita hver þau eru og þess vegna er svo mikilvægt að byrja á naflaskoðuninni, læra að þekkja sjálfan sig sem best og bera kennsl á þau merki sem líkami okkar gefur frá sér.

Sú gríðarlega aukning á lífsstílssjúkdómum á undanförnum áratugum er fyrst og fremst hægt að rekja til lélegs og beinlínis skaðlegs mataræðis, slakrar upptöku næringarefna í líkamanum, eiturefna í umhverfinu og stóraukinnar streitu sem við flest finnum fyrir með aukinni tæknivæðingu, snjallsímaáreiti og þeirri staðreynd að við erum nánast alltaf aðgengileg öðru fólki í gegnum samskiptamiðla. Vinnutími fólks hefur teygst langt út fyrir átta tíma rammann þar sem vinnan er oft á tíðum komin í snjallsímana og það krefst töluverðs sjálfsaga að setja takmörk á þann tíma sem við eyðum í tækjunum, sem bókstaflega eiga okkur í dag.

Til að öðlast frelsi frá öllu því sem dregur okkur niður og veikir okkur í lífinu er nauðsynlegt að taka ákvörðun og standa við hana. Sú ákvörðun felst í því að setja heilsuna raunverulega í fyrsta sætið og standa með henni hvað sem tautar og raular. Það eru endalausar hindranir, ekki bara freistingar út um allt heldur líka fólk sem reynir á mörkin okkar en það er alltaf okkar verkefni að setja þau mörk.

Ábyrgðin á lífi okkar, heilsu og vellíðan byrjar nefnilega alltaf OG endar hjá okkur sjálfum!

Kristjana Björg Sveinsdóttir

Að sleppa takinu

Við heyrum stundum sagt að besta leiðin til að bregðast við ýmsu sem aflaga fer í lífinu sé að „sleppa takinu“ eða í fleirtölu að sleppa tökunum. Persónulega finnst mér best að nota „að sleppa takinu“ því það er eitthvað sem ég tengi við.  Að sleppa takinu hljómar í...

Sjálfsímynd ungs manns

Pistill vikunnar kemur frá Ólafi Andra Gunnarssyni, 24 ára háskólanema sem býr í Borgarfirði. Hann hefur varið mestum tíma sínum í nám á undanförnum árum en eftir að hann lauk námi á náttúrufræðibraut við Menntaskólann á Laugarvatni hóf hann meistaranám í lögfræði við...

Að vera sérfræðingur í eigin heilsu

Sölvi Tryggvason gaf nýverið út bókina “Á eigin Skinni” sem er afrakstur áratugar vegferðar hans um allt sem snýr að heilsu. Eftir að hafa sjálfur misst heilsuna neyddist Sölvi til að gerast sérfræðingur í heilsu og hefur á undanförnum árum lært af framúrskarandi...

Sjálfsvirðing

Hvað er sjálfsvirðing? Í hverju felst hún? Á hverju byggist hún? Hvaða máli skiptir að hafa sjálfsvirðingu? Er sjálfsvirðing það sama og sjálfsmynd? Um hvað erum við að tala þegar við notum orðið sjálfsvirðing? Jú, ætli við vitum ekki flest hvað sjálfsvirðing er, eða...

Halló gerandi!

 Þú veist kannski ekki af því að þú ert að beita ofbeldi. Varst jafnvel sjálfur beittur ofbeldi. Kannski ertu orðinn svo samdauna því að níðast á öðrum að þú þekkir einfaldlega ekkert annað. Kannski varðstu fyrir heilaskaða eða þjáist af persónuleikatruflun og getur...

Að tapa ekki gleðinni

Taktu lífinu ekki of alvarlega, finndu húmorinn í sjálfum þér, aðstæðum og öðru fólki. Reyndu að fjölga samverustundum með vinum og fjölskyldu. Mundu að tíminn með þeim er takmarkaður, dýrmætur og knappur í öllu stóra samhenginu. Vertu heiðarlegur við sjálfan þig og...