Lágkolvetna eggjakaka með mexíkóosti

14.06.2019 | Kokkur vikunnar, Næring

Uppskrift vikunnar er lágkolvetna eggjakaka sem hentar mjög vel sem léttur kvöld- eða hádegisverður með góðu, fersku salati. Ommelettan er mjög bragðgóð, seðjandi og holl. Verði ykkur að góðu!

Uppskrift fyrir fjóra:

  • 10 egg
  • 1 mexíkóostur
  • 1 msk rjómi
  • 1 meðalstór paprika rauð/gul eða græn
  • 6 litlir konfekttómatar
  • Svartur pipar úr kvörn
  • 1 tsk hvítlauksduft
  • Íslenskt smjör og hrein ólífuolía til steikingar

Aðferð:

Þeytið egg, rjóma og krydd vel saman og bætið út í smátt skornum tómötum og papriku. Setjið 2 msk af íslensku smjöri út í stóra, djúpa pönnu og bræðið. Hellið u.þ.b. 1 msk af ólífuolíu út á þegar smjörið er bráðnað. Hellið eggjablöndunni ofan í pönnuna og setjið lok ofan á. Passið að hafa hitastigið ekki of hátt, eggjakakan á að bakast rólega við miðlungshita. Eftir nokkrar mínútur er mexíkóostinum sem þið skerið í litla bita stráð yfir blönduna og lokið sett aftur á pönnuna. Þannig er eggjakakan látin eldast við miðlungshita þar til hún er næstum tilbúin og einungis efsta lagið af eggjunum óbakað en þá er gott að hækka hitann í nokkrar mínútur þangað til hún er elduð í gegn. Athugið að fylgjast vel með og passa að kakan brenni ekki. Þegar hún er greinilega elduð alveg í gegn snúið þið pönnunni ákveðið við og haldið lokinu alveg föstu á pönnunni á meðan. Þetta er smá kúnst en heppnast vel ef þið eruð með góða pönnu og þétt lok. Þegar þið hafið snúið pönnunni og eggjakökunni í þá steikið þið kökuna áfram á þeirri hlið sem sneri upp allan tímann og hækkið hitann aftur í nokkrar mínútur þangað til hún er fullkomlega bökuð á báðum hliðum. Gott er að strá ferskum, smátt skornum graslauk yfir eggjakökuna í lokin áður en hún er borin fram.

Ljúffengar og hollar fiskibollur

Ljúffengar og hollar fiskibollur

Fiskur hefur samkvæmt mörgum rannsóknum jákvæð áhrif á heilabúið í okkur, einnig ónæmiskerfið og hjartað. Kolefnissporið af fiski er einnig mun minna en af en t.d. kjöti (sér í lagi af línuveiddum fiski). Þessi ákveðni réttur er lagaður með 100% hreinum hráefnum úr...

Gulrótarsúpa með engifer

Gulrótarsúpa með engifer

!Hér er uppskrift frá henni Hönnu Hlíf að dásamlegri gulrótarsúpu með engifer en eins og við vitum er engiferið allra meina bót, sérstaklega gott fyrir okkur ef við erum með kvef eða aðrar pestir yfir vetrarmánuðina. Súpan er er sannkallað sólskin á að líta,...

Veganúar dró dilk á eftir sér

Veganúar dró dilk á eftir sér

Í haust átti sér stað ákveðin hugarfarsbreyting sem hefur verið að fæðast innra með mér í langan tíma, en ég var einfaldlega ekki tilbúin til þess að horfast í augu við hana fyrr. Viðhorfsbyltingin eins og ég kýs að kalla hana var tengd almennu mataræði en undanfarin...

Kjúklingabaunarétturinn Chana masala

Kjúklingabaunarétturinn Chana masala

Þessi réttur er einstaklega viðeigandi og notalegur á köldum vetrardögum en hann er bæði kryddaður með engiferi og chilli ásamt dásamlegri indverskri kryddblöndu og ætti þessi máltíð að senda heita strauma um kroppinn sem okkur veitir svo sannarlega ekki af hér í...

Frelsi til að velja

Frelsi til að velja

Leit mín að betri líðan og bættri heilsu hefur leitt mig inn á ótrúlegustu slóðir í gegnum tíðina og stundum alla leið út fyrir landsteinana þar sem aðgengi að ýmsum náttúrulegum efnum á Íslandi er frekar takmarkað. Þannig hef ég reynt allar mögulegar leiðir og...

Graskerssúpa með reyktum keim

Graskerssúpa með reyktum keim

Grænkerinn Hanna Hlíf býður hér uppá dásamlega graskerssúpu sem verður ekki amalegt að gæða sér á þegar haustið er að koma og það kólnar í veðri. Þá er dásamlegt að fá ilmandi súpu sem yljar kropp og sál. 1 lítið grasker (butternut), u.þ.b. 300 grömm 1 msk. olía 3...

Fljótlegur baunaréttur

Fljótlegur baunaréttur

Kokkurinn okkar að þessu sinni er grænkerinn Hanna Hlíf Bjarnadóttir myndlistarkona en hún er einn höfundur bókarinnar Eldhús grænkerans sem hún gaf út árið 2016 ásamt Katrínu Rut Bessadóttur og Rut Sigurðardóttur. Á myndinni hér að ofan er Hanna Hlíf í sínu...

Aloo Jeera – Kartöflur með kúmenfræjum frá Punjab

Aloo Jeera – Kartöflur með kúmenfræjum frá Punjab

Sulakshna Kumar, kokkur vikunnar kemur frá suður Indlandi, Kerala fylki en hún hefur þó búið á mörgum svæðum á Indlandi. Ammú eins hún er oft kölluð á sína uppáhalds rétti frá hverjum stað og deilir hér með okkur uppskrift að vinsælum indverskum rétti sem heitir Aloo...

Súrsúpa úr rúg eftirlæti Pólverja

Súrsúpa úr rúg eftirlæti Pólverja

Það er okkur mikil ánægja að kynna matreiðslumeistarann hann Sebastian Wojnar sem kemur frá Póllandi en er einnig með ítalskar rætur. Sebastian sem starfar nú tímabundið á Íslandi hefur lengi haft það á dagskránni að ferðast til Íslands en það hefur alltaf verið...

Á slóðum Napolí

Á slóðum Napolí

Við kynnum nú til leiks Antonio Costanzo og uppskriftirnar ekki af verri endanum. Ekta ítalskar pizzur úr súrdeigi frá Napólí. Antonio kemur sjálfur frá þessu svæði á Ítalíu, nánar tiltekið frá Grumo Nevano í úthverfi borgarinnar Napólí. Hann hefur búið á Íslandi í...