Saltfiskstappa sem klikkar aldrei!

3.05.2019 | Fólk, Næring, Uppskiftin

Jóhanna Þórhallsdóttir er heiðurskokkur vikunnar en hún lumar á ótalmörgum uppskriftum sem hún hefur sankað að sér í gegnum tíðina. Hún er flestum kunnug sem söngkona og kórstjóri en stýrir í dag Gallerí Göngum í Háteigskirkju, hefur nýlega lokið listnámi hjá prófessor Lüpertz í Þýskalandi, málar og syngur með sönghópnum 3klassískar. Hér kemur aðferðin að saltfiskkássunni hennar ljúffengu. Gefum Jóhönnu orðið:

Af því að ég er nýkomin heim frá Lissabon og borða svo góðan fisk, þá langar mig í dag mest af öllu í saltfisk. Og viti menn ég á saltfisk frá Drangsnesi í frystikistunni, svo ég tek út 5 stykki sem ég afþýði og nú ætla ég að búa til Saltfiskkássuna sem klikkar aldrei. Þessa uppskrift lærði ég árið 1996, þegar ég var sá um Tjöruhúsið á Ísafirði hluta úr sumri. Á hverjum degi  í tíu daga mætti til mín franskur ferðamaður sem fékk sér kaffisopa hjá mér og klatta og svo kenndi hann mér nokkrar góðar uppskriftir, þar á meðal þessa.

  • Saltfiskstykki 2-3 á mann
  • 4 litlar kartöflur.
  • 3 hvítlaukrif (magn fer eftir smekk)
  • Soðið grænmeti, t.d. rófur og gurætur.
  • Ólífuolía til steikingar.

Aðferð:
Þið verðið að vega og meta sjálf hvað það eru miklir mathákar að koma í mat. Sjóðum fisk og kartöflur. Þetta má gera vel áður en matargestir koma því svo seturðu olífuolíu í pott og hitar upp og notar 3 hvítlauksrif eða eftir smekk og stappar fiski og kartöflum saman. Þessa uppskrift er gott að bera á borð með soðnu grænmeti t.a.m. rófum og gulótum, eða eins og ég í dag rauðrófum og brokkolí. Bara eftir því sem til er í ísskápnum eða búðinni.  Stundum ber ég fram rúgbrauð með og smjör en bara eftir því sem við á. Sumum finnst ægilega gott að drekka hvítvín með þessu en ég er löngu hætt því  😉 Til að sjá meira um það sem Jóhanna er að fást við þessa dagana er hægt að fara á vefsíðuna hennar: johannathorhalls.com

 Verði ykkur að góðu!


Ljósmyndir: Birtar með leyfi Jóhönnu

Dásamleg eggaldin með döðlum og tómötum

Dásamleg eggaldin með döðlum og tómötum

Hanna Hlíf Bjarnadóttir myndlistarkona leyfir okkur að njóta uppskriftar úr eldhúsinu sínu. Í þetta sinn er það eggaldinréttur. Eggaldin er næringarríkur og góður matur ef hann er eldaður rétt og hentar bæði sem meðlæti og aðalhráefni. Hann er vinsæll með kjöti í...

Ljúffengar og hollar fiskibollur

Ljúffengar og hollar fiskibollur

Fiskur hefur samkvæmt mörgum rannsóknum jákvæð áhrif á heilabúið í okkur, einnig ónæmiskerfið og hjartað. Kolefnissporið af fiski er einnig mun minna en af en t.d. kjöti (sér í lagi af línuveiddum fiski). Þessi ákveðni réttur er lagaður með 100% hreinum hráefnum úr...

Gulrótarsúpa með engifer

Gulrótarsúpa með engifer

!Hér er uppskrift frá henni Hönnu Hlíf að dásamlegri gulrótarsúpu með engifer en eins og við vitum er engiferið allra meina bót, sérstaklega gott fyrir okkur ef við erum með kvef eða aðrar pestir yfir vetrarmánuðina. Súpan er er sannkallað sólskin á að líta,...

Veganúar dró dilk á eftir sér

Veganúar dró dilk á eftir sér

Í haust átti sér stað ákveðin hugarfarsbreyting sem hefur verið að fæðast innra með mér í langan tíma, en ég var einfaldlega ekki tilbúin til þess að horfast í augu við hana fyrr. Viðhorfsbyltingin eins og ég kýs að kalla hana var tengd almennu mataræði en undanfarin...

Kjúklingabauna rétturinn Chana masala

Kjúklingabauna rétturinn Chana masala

Þessi réttur er einstaklega viðeigandi og notalegur á köldum vetrardögum en hann er bæði kryddaður með engiferi og chilli ásamt dásamlegri indverskri kryddblöndu og ætti þessi máltíð að senda heita strauma um kroppinn sem okkur veitir svo sannarlega ekki af hér í...

Frelsi til að velja

Frelsi til að velja

Leit mín að betri líðan og bættri heilsu hefur leitt mig inn á ótrúlegustu slóðir í gegnum tíðina og stundum alla leið út fyrir landsteinana þar sem aðgengi að ýmsum náttúrulegum efnum á Íslandi er frekar takmarkað. Þannig hef ég reynt allar mögulegar leiðir og...

Graskerssúpa með reyktum keim

Graskerssúpa með reyktum keim

Grænkerinn Hanna Hlíf býður hér uppá dásamlega graskerssúpu sem verður ekki amalegt að gæða sér á þegar haustið er að koma og það kólnar í veðri. Þá er dásamlegt að fá ilmandi súpu sem yljar kropp og sál. 1 lítið grasker (butternut), u.þ.b. 300 grömm 1 msk. olía 3...

Fljótlegur baunaréttur

Fljótlegur baunaréttur

Kokkurinn okkar að þessu sinni er grænkerinn Hanna Hlíf Bjarnadóttir myndlistarkona en hún er einn höfundur bókarinnar Eldhús grænkerans sem hún gaf út árið 2016 ásamt Katrínu Rut Bessadóttur og Rut Sigurðardóttur. Á myndinni hér að ofan er Hanna Hlíf í sínu...

Aloo Jeera – Kartöflur með kúmenfræjum frá Punjab

Aloo Jeera – Kartöflur með kúmenfræjum frá Punjab

Sulakshna Kumar, kokkur vikunnar kemur frá suður Indlandi, Kerala fylki en hún hefur þó búið á mörgum svæðum á Indlandi. Ammú eins hún er oft kölluð á sína uppáhalds rétti frá hverjum stað og deilir hér með okkur uppskrift að vinsælum indverskum rétti sem heitir Aloo...

Lágkolvetna eggjakaka með mexíkóosti

Lágkolvetna eggjakaka með mexíkóosti

Uppskrift vikunnar er lágkolvetna eggjakaka sem hentar mjög vel sem léttur kvöld- eða hádegisverður með góðu, fersku salati. Ommelettan er mjög bragðgóð, seðjandi og holl. Verði ykkur að góðu! Uppskrift fyrir fjóra: 10 egg 1 mexíkóostur 1 msk rjómi 1 meðalstór paprika...