Súrsúpa úr rúg eftirlæti Pólverja

8.06.2019 | Kokkur vikunnar, Næring

Það er okkur mikil ánægja að kynna matreiðslumeistarann hann Sebastian Wojnar sem kemur frá Póllandi en er einnig með ítalskar rætur. Sebastian sem starfar nú tímabundið á Íslandi hefur lengi haft það á dagskránni að ferðast til Íslands en það hefur alltaf verið partur af ferðaplönum hans um heiminn. Eins og hann segir sjálfur þá hefur hann þrjár ástríður í lífinu: ferðalög, vinnu og klassíska tónlist. Sebastian var um árabil eigandi að mjög vinsælum veitingastað í Krakow og eftir að hafa fylgst með matargerð hans og smakkað réttina frá honum getum við fullyrt að hann er alvöru stjörnukokkur þótt hógvær sé. Á veitingastað sínum í Krakow starfaði hann með öðrum matreiðslumanni og saman sköpuðu þeir ljúffenga rétti innblásna af eldhúsum alls staðar að úr heiminum. Þrátt fyrir mikla velgengni með veitingastaðinn togaði ferðaþráin í Sebastian og hann ákvað að selja allt, láta drauminn rætast og flytja til Íslands þar sem hann starfar nú einnig við framreiðslu og eldamennsku á tveimur mismunandi veitingastöðum í Reykjavík.

Súpa með súr úr rúgmjöli

Þessi súpa sem Sebastian ætlar að kenna okkur að matreiða er mikilvægasta súpan í Póllandi. Í hverju héraði er súpan löguð á misjafnan hátt en í Wroclac er t.d. súpan borin fram með einskonar kotasælu sem er sett út í súpuna rétt áður en hún er borin fram. Í sumum héruðum er uppistaðan í súpunni kartöflur en í öðrum héruðum er hún löguð með reyktu svínakjöti og þá eru hvítar pylsur líka notaðar við súpugerðina sem er einmitt aðferðin sem Sebastian ætlar að deila með okkur hérna. Uppskriftin er fyrir fjórar manneskjur.

Grænmetissoð:
  • 2 gulrætur
  • 2 steinseljurót
  • 1 brenndur laukur (brenndur á eldi á gaseldavél)
  • 1 púrrulaukur
  • ½ sellerírót
  • 1 ½ líter af vatni
  • 2 reykt svínarif (sett út í eftir að grænmetið hefur soðið í 40 mínútur)
Aðferð:

Þvoið og flysjið allt grænmetið og skerið aðeins niður í grófa bita. Passið að hafa bitana ekki of smáa svo þeir verði ekki að mauki í soðinu. Setjið allt grænmetið í vatnið, lok á pottinn og sjóðið við miðlungshita í 40 mínútur. Þá takið þið allt grænmetið upp úr pottinum, bætið pylsunum beint út í vatnið og einni matskeið af Marjoram. Síðan er súpan elduð áfram í 20 mínútur. Takið pylsurnar út eftir 20 mínútur og leggið til hliðar á disk. Bætið þá Zurek (súr úr rúg) við í smá slurkum. Athugið að smakka súpuna til því það er smekksatriði hversu súr súpan er. Hristið flöskuna mjög vel. Látið Zurek renna hægt í gegnum sigti. Gott er að smakka súpuna til eftir að þið hafið sett hálfa flöskuna út í og látið súpuna sjóða og þá slökkvið þið undir. Eftir það er teskeið af ferskri piparrót bætt við en hana nota ekki allir því það er einnig smekksatriði hvort fólk er hrifið af því. Þeir sem vilja hafa silkiáferð með rjómabragði ættu að sleppa piparrótinni því hún gerir súpuna mjög kryddaða. Bætið við pipar og salti og smakkið til. Passið að bæta ekki saltinu við fyrr en alveg í lokin eftir að þið hafið látið súpuna sjóða. Endið súpugerðina á því að bæta 18 % sýrðum rjóma út í því það gefur súpunni silkimjúka áferð sem Sebastian segir eitt mikilvægasta atriðið þegar kemur að súpum.

 Aukahráefni:
  • 4 hvítar pylsur (fæst í pólsku búðinni) Kielbasda Biala Parzona
  • Súr frá rúgmjöli (fæst í pólsku búðinni) Zurek í flösku
  • Þurrkað marjoram
  • 4 egg
  • 1 skeið af piparrót

Ef þið eruð með matarboð mælir hann með því að bera súpuna fram í heilu súpubrauði því það lítur mjög vel út og er afar bragðgott. Ef þið ákveðið að bera súpuna fram í brauði þá takið þið miðjuna úr brauðinu þannig að það verði holt að innan en það er alltaf gott að baka brauðið í smástund áður en þið setjið súpuna í brauðið svo það verði stökkt og gyllt. Skerið pylsurnar í bita og harðsoðin eggin í tvo helminga. Setjið pylsubitana og eggin ofan í brauðin og hellið svo súpu ofan í hvert og eitt brauð. Setjið Marjoram ofan á og nokkra stöngla af thyme til skreyta súpuna.


Ljósmyndir: Helga Óskarsdóttir

Ljúffengar og hollar fiskibollur

Ljúffengar og hollar fiskibollur

Fiskur hefur samkvæmt mörgum rannsóknum jákvæð áhrif á heilabúið í okkur, einnig ónæmiskerfið og hjartað. Kolefnissporið af fiski er einnig mun minna en af en t.d. kjöti (sér í lagi af línuveiddum fiski). Þessi ákveðni réttur er lagaður með 100% hreinum hráefnum úr...

Gulrótarsúpa með engifer

Gulrótarsúpa með engifer

!Hér er uppskrift frá henni Hönnu Hlíf að dásamlegri gulrótarsúpu með engifer en eins og við vitum er engiferið allra meina bót, sérstaklega gott fyrir okkur ef við erum með kvef eða aðrar pestir yfir vetrarmánuðina. Súpan er er sannkallað sólskin á að líta,...

Veganúar dró dilk á eftir sér

Veganúar dró dilk á eftir sér

Í haust átti sér stað ákveðin hugarfarsbreyting sem hefur verið að fæðast innra með mér í langan tíma, en ég var einfaldlega ekki tilbúin til þess að horfast í augu við hana fyrr. Viðhorfsbyltingin eins og ég kýs að kalla hana var tengd almennu mataræði en undanfarin...

Kjúklingabaunarétturinn Chana masala

Kjúklingabaunarétturinn Chana masala

Þessi réttur er einstaklega viðeigandi og notalegur á köldum vetrardögum en hann er bæði kryddaður með engiferi og chilli ásamt dásamlegri indverskri kryddblöndu og ætti þessi máltíð að senda heita strauma um kroppinn sem okkur veitir svo sannarlega ekki af hér í...

Frelsi til að velja

Frelsi til að velja

Leit mín að betri líðan og bættri heilsu hefur leitt mig inn á ótrúlegustu slóðir í gegnum tíðina og stundum alla leið út fyrir landsteinana þar sem aðgengi að ýmsum náttúrulegum efnum á Íslandi er frekar takmarkað. Þannig hef ég reynt allar mögulegar leiðir og...

Graskerssúpa með reyktum keim

Graskerssúpa með reyktum keim

Grænkerinn Hanna Hlíf býður hér uppá dásamlega graskerssúpu sem verður ekki amalegt að gæða sér á þegar haustið er að koma og það kólnar í veðri. Þá er dásamlegt að fá ilmandi súpu sem yljar kropp og sál. 1 lítið grasker (butternut), u.þ.b. 300 grömm 1 msk. olía 3...

Fljótlegur baunaréttur

Fljótlegur baunaréttur

Kokkurinn okkar að þessu sinni er grænkerinn Hanna Hlíf Bjarnadóttir myndlistarkona en hún er einn höfundur bókarinnar Eldhús grænkerans sem hún gaf út árið 2016 ásamt Katrínu Rut Bessadóttur og Rut Sigurðardóttur. Á myndinni hér að ofan er Hanna Hlíf í sínu...

Aloo Jeera – Kartöflur með kúmenfræjum frá Punjab

Aloo Jeera – Kartöflur með kúmenfræjum frá Punjab

Sulakshna Kumar, kokkur vikunnar kemur frá suður Indlandi, Kerala fylki en hún hefur þó búið á mörgum svæðum á Indlandi. Ammú eins hún er oft kölluð á sína uppáhalds rétti frá hverjum stað og deilir hér með okkur uppskrift að vinsælum indverskum rétti sem heitir Aloo...

Lágkolvetna eggjakaka með mexíkóosti

Lágkolvetna eggjakaka með mexíkóosti

Uppskrift vikunnar er lágkolvetna eggjakaka sem hentar mjög vel sem léttur kvöld- eða hádegisverður með góðu, fersku salati. Ommelettan er mjög bragðgóð, seðjandi og holl. Verði ykkur að góðu! Uppskrift fyrir fjóra: 10 egg 1 mexíkóostur 1 msk rjómi 1 meðalstór paprika...

Á slóðum Napolí

Á slóðum Napolí

Við kynnum nú til leiks Antonio Costanzo og uppskriftirnar ekki af verri endanum. Ekta ítalskar pizzur úr súrdeigi frá Napólí. Antonio kemur sjálfur frá þessu svæði á Ítalíu, nánar tiltekið frá Grumo Nevano í úthverfi borgarinnar Napólí. Hann hefur búið á Íslandi í...